ناگهان عرش شفق سمتینه طغیان ائلدی
ناگهان عرش شفق سمتینه طغیان ائلدی
پرده پرده گویون آیینه سینی قان ائلدی
کاتب فیض الهی بئله عنوان ائلدی
سالار اوت بو غم و آلام دل انسانه
قرعه آخردا دایاندی سودامر قربانه
گون حرارت یاغیشین صفحه گلزاره سالوب
خیمه دن واعطشا عرش خدایه اوجالوب
یورگون عاشق بالاسین غصه لی آغوشه آلوب
نا امیدانه گتوردی بالاسین میدانه
قرعه آخردا دایاندی سودامر قربانه
جلوه سی هوشه گتوردی او جنایتکاری
گوردی سعد اوغلی عجب گرمیدی دل بازاری
مات ائدوب آیدان ایشیخ گول بدنی اشراری
حرمله تا که ال آتدی او آغیر پیکانه
قرعه آخردا دایاندی سودامر قوربانه
اوچ پر اوخ فاطمنون تار امیدین گیردی
شیشه عمری ربابه توخانیب سیندیردی
آقامون یاره لی قلبونده یاخوب یاندیردی
کفر ال آچدی عجب وحشتیله ایمانه
قرعه آخردا دایاندی سودامر قربانه
یری وار عالم امکان یانا باجادی گرک
حقی وار باجیسی قارداشینه گر ائتسه کمک
یاندیم الله نه یازیم قانه دولوب نازلی بلک
بو سوز آغلاتدی منی تا یتیشیب عنوانه
قرعه آخردا دایاندی سود امر قربانه
سسلدی آچ گوزون ای گوهر فرخنده مرام
اولما راضی الی بوینوندا قالا یالقیز امام
آناوا رحم ایله گولمه بئله قان ایچره بالام
دای قلم بو غم و آلامی یتیر پایانه
قرعه آخردا دایاندی سودامر قربانه
جناب محمدمیلانی"شاکر"
باتشکر از کربلایی محمدباراندوزی بابت ارسال شعر
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.