اکبرین نعشیم گتوردوم گَل تماشایه باجی

اکبرین نعشیم گتوردوم گَل تماشایه باجی

هم اوزون گَل هم خبر ویر امّ لیلایه باجی

بو قطعه به قطعه قانلی پیکر

بو قطعه به قطعه قانلی پیکر، آئینه ی مصطفادی قارداش؟

یا باشدا قلج یاراسی حیدر، محرابیده مرتضادی قارداش؟

گیرم ایدوب اقتضا مشیّت، کج دور ایلیه بو چرخ گردون

قانه بویانا بو ماه طلعت، لیلانی ایده فراقی مجنون

امّا ندن ایتمیوب مروّت، بو لشکر کینه پرور و دون

بیر حاله سالوبلا بو جوانی، آد پیکر اوزی نمادی قارداش

سن عهد اَلَسته ایتدون ایفا، بیر لطفیدی بو سنه خدادن

تقدیر اولونان قضایه اصلا، تغییر یِتیشمدی بدادن

کبرانی بُلوندورر بو صُغری، ظاهردی خبر بو مبتدادن

قانون توکَجاقلا بو جماعت، ظلمه هله ابتدادی قارداش

آلجاق سسینی بو مه لقانون، قارداش ساری گُل کیمی سارالدون

گیتدون گوره سن عزیز جانون، نولدی سببی بو حاله قالدون

امرونله گَتوردوله جوانون، آز فاصله ده ولی قوجالدون

ناکام اوغولی اُلن آتادن، آری بو عمل سزادی قارداش

گورجک باشینون قلج یاراسین، دوشدی آتامین یاراسی یاده

بو دشتیده کوفه اجراسین، تجدید ایلین یاتوب عباده

باخ گور دیمورم اوغول آناسین، محشردی دیار کربلاده

لیلا تک ایدن بو چولده، آلُ الَلهی بو عبادی قارداش

ای مظهر صنع حیّ یکتا، بو کرب و بلا یری منادور

هاجرده هانی مقام لیلا، اوغلی بونون اوغلونا فدادور

کعبه یری با شرفدور امّا، اونداندا شرفلی کربلادور

نه کعبه بهشت و عرشدنده، با رتبه بو کربلادی قارداش

ای ذبح عظیمه عمده معنا، وی باب نجات ماسِوایه

ویردون ایله بیر فدای زیبا، فخر ایلوری کربلا مِنایه

بو قطعه به قطعه جسمه اعدا، قرآنی یازوبلار آیه آیه

علّت ندی بس ورق ورقدور، آیاتی جدا جدادی قارداش

گُل جسمینی منجنیق محنت، بو چولده خلیل تک سخوبدی

کِتفینده اولان بو تک جراحت، شمشاد قدین یره یخوبدی

امّا وورولوب او قدر ضربت، قرآن کیمی جلددن چخوبدی

بیر بیله خدنگ و تیغ و خنجر، بیر جسمه نجه روادی قارداش

گَلمزدی بو حیطه ی خیاله، شهزاده گیدن زمان جهاده

چون سرو خرام ایده جداله، صد پاره ولی گَله عباده

صیّاد بو محترم غزاله، بیر دام قوروب بو غم گُساره

آهوی خطایه ده حقیقت، بیر بیله جفا خطادی قارداش

مشتاق اولاندا آل طاها، اوز جدّی رسول کردگاره

بیر بونلا تاپاردیلار تسلّی، ایلردیلر اکبره نظاره

دوزسونله نجه بو غمده آیا، اکبرده اولوبدی پاره پاره

هجری بو جوانین اهل بیته، علّت اودی غم فزادی قارداش

هر بیر کسین اُلسه بیر عزیزی، جاریدی بونا جهاندا عادت

قویمازلا که چشم اشک ریزی، قان آغلیه ای شهِ ولایت

امّا بو جوان ریز ریزی، گورجک سنه ایلدی شمادت

شرم ایتمدی قانلی گوز یاشوندان، سعد اوغلی نه بی حیادی قارداش

گلزار وفاده جسم اکبر، بیر گُلدی که خاره توش اولوبدی

گُل تک بو گوزل بدن برادر، باشدان باشا خاریله دولوبدی

باشینده سکینه قاره معجر، آگاه اولالی بو گُل سولوبدی

پژمرده و بال و پر شکسته، بلبل تک ایشی نوادی قارداش

آهیم اودی عالم برینه، اوج ایلسه گور سپهر یانماز؟

بیر رنگه باتوب مه مدینه، هیچ لاله بو رنگیله بویانماز

تا وار نفسی قیزون سکینه، قارداش دیسه اکبریم اویانماز

صبر ایلمسه او بی قرینه، اُلدورسه اوزین به جادی قارداش

سعدیّ زمان بو آستانه، مستخدم پاک و بی ریادور

سن باب کرم شه زمانه، امّا او ملول بیر گدادور

غم قلبینی دوندَروبدی قانه، مشتاق طواف کربلادور

قانع دگل آز عطایه سندن، منظوری بیوک عطادی قارداش

مرحوم "سعدی زمان"آقاسیدرضاحسینی

باتشکراز جناب سعیدحاجی سالم بابت ارسال این شعر

سنی کیم سالوب بو حاله بیله بیر شقاوت اولماز

سنی کیم سالوب بو حاله بیله بیر شقاوت اولماز

علی بیر بدنده هرگز بو قدر جراحت اولماز

اوغول ایتدی اهل کینه منی حسرت وصالون

نه روادی قانه باتسون بیله زلف و خطّ و خالون

قالوب ایسّی قوملار اوسته قدی سرو نونهالون

گوزون آچ ایله تکلّم بیله خواب راحت اولماز

سنیدون همیشه مونس من زار و ناتوانه

سنیده بو نوع غلطان ایدوب اهل کوفه قانه

نجه تاب ایدوم بو ظلمه نجه گَلمیوم فغانه

آتانون اُله جوانی اوغول اوندا طاقت اولماز

اولی تنگ بو زمانه منِ بی پناهه سنسیز

یِتیشور دمادم آهیم بلی مهر و ماهه سنسیز

گیده بُلمرم دوباره علی خیمه گاهه سنسیز

سنی گورمیونجه لیلا یقین ایله راحت اولماز

نه روا بو نوعی منشقّ ایله سونله مه جبینون

اولا قانیویله رنگین بیله زلف عنبرینون

گون ایوینده قوملار اوسته قالا قدّ نازنینون

قد و قامتون فداسی بیله سرو قامت اولماز

اگر ایستورم آلام من سنی لحظه ای کناره

اودا که دگل میسّر من زار و دل فکاره

گوزیمون ضیاسی واردور بدنونده بس که یاره

پوزوب حالتیمی حالون بیله غملی حالت اولماز

ستمی بو قومون ایمدی اولوری بو نوعی معلوم

منیده سنون تک آخِر یِتورَلّه قتله مظلوم

باشیمی گورور جداده اولور اهل بیت مغموم

بیله بی حیا جماعت بیله بی مروّت اولماز

چکر اهل بیت زاریم سنون ایمدی انتظارون

گوره لر دوباره بلکه ای اوغول بو گُل عذارون

او قدر ووروبلا یاره گورورم یوخ اختیارون

ایلیوم نه چاره آیا بیله درد و محنت اولماز

علی قامتیم بوکولدی، اَلیمه عصا سنیدون

ثمره ی عمریمیدون گوزیمه ضیا سنیدون

دل زاریمه همیشه ای اوغول صفا سنیدون

منه بو جهاندا سندن صورا استراحت اولماز

بیر او حالتی مجسّم ایله شیعه گَل نوایه

یری وار اُلونجه ناله ایلیاخ بو ماجرایه

قویوب اکبر جوانی شه کربلا عبایه

اوزینه ایدوب هم آغوش بو قدر محبّت اولماز

بو عزای غم فزاده ایله آه و ناله دلریش

اوزیوه ذخیره حشره گُوتی لامحاله دلریش

بو خیال روزگاری گَتیمه خیاله دلریش

گیچر عمر بُل همیشه بیله اَلده فرصت اولماز 

من کلام دلریش ره

باتشکرازجناب حمیدرضاباراندوزی بابت ارسال این شعر

بو گُل کیمی دوغرانان جنازه

بو گُل کیمی دوغرانان جنازه، نسلیمدن ازل فدادی زینب

اوز جدّی شهنشه حجازه، مرآت بدن نمادی زینب

ای منای کربلا قربانی گَلدیم آچ گوزون

ای منای کربلا قربانی گَلدیم آچ گوزون

جدّیمه آئینه ی جسمانی گَلدیم آچ گوزون

مُشکیدن گُلدن فزوندور نکهت زلفون یوزون

لاله تک پر خون اولوبدور نرگس شهلا گوزون

آه او ساعتدن سلام آخِر اکبردن اوجالدی

آه او ساعتدن سلام آخِر اکبردن اوجالدی

خیمه ده مظلوم امامون صورتی سولدی سارالادی

اضطراب و هولیله یوز قویدی دشت کار زاره

تا یِتوردی شه اوزین شبه رسول تاج داره

شعر ترکی برای شب هشتم محرم

دل دولوبدور غنچه تک قانیله دلدار آختارور

گوز بولود تک یاش توکور گُل یوزلی بیر یار آختارور

دیده ی شب زنده داریم صبحه تک اولدوز سایور

هریانا حیران باخور بیر ماه رخسار آختارور